زوزو قمر المنتدى { زوزو }
عدد المساهمات : 150 تاريخ التسجيل : 02/08/2009 العمر : 29 الموقع : in my dreams
| موضوع: المنحوس منحوس الخميس أغسطس 06, 2009 12:14 am | |
| السلام عليكم ورحمة الله وبركاتة ,
كيفكم شباب انشالله تمــام حبيت اكتب لكم قصــه عن ووواــحد مسكين حده نحسـ , اخليكم مع القصه :
هذا واحد منحوس كل ما يقوم مشروع خسر
وكل مامسك شي خرب وكل ماراح مكان صارت مشكلة
ماعمره تهنى بشي
وحياته كلها نكد في نكد
يعني منحوس 100%
المشكل أنه يشوف الناس ما شاء الله يسوون مشاريع
ويتوفقون
ويستمتعون بحياتهم
إلا هو !! لا حول ولا قوه الا بالله
ودائما حزين
وتعاسة الحظ تلاحقه في كل مكان وبكل زمان
آخر شي فكر صديقنا المنحوس بعدما زهق من عمره
وقفلت معاه كل الطرق أنه يترك البلد اللي هو فيها ويهاجر
راح المطار وحجز له تذكره
ركب الطيارة ( جديدة وحديثة )
جلس في المكان المخصص
ركبوا المسافرين
الى الآن كل شي تمام الحمد لله
طارت الطيـــــــــــــــــــارة
والجو ملائم للسفر
لا عواصف ولا رياع و لا امطار
وكل شيء جميــل , الحمد لله
وفجأة
قامت الطيارة تهتززززززززز
ويبدو أن فيه شي مو طبيعي قاعد يصير
ولما زادت الربكة
وإذا المضيف يعلن للركاب أن الطيارة فيها عطل ويمكن تطييييح
أخونا المنحوس انتبه
وقال : إييييييييييه ، اكيد انا , ان السبب بدون اي شك..
أنا السبب في اللي صار للطيارة
أنا منحوووووس
وهذا النحس اللي ملاحقني بكل مكان
لكن ما ذنب هالناس اللي بيموتون بسببي الحين ؟
مو معقولة أتسبب في وفاة 280 شخص وأنا ساكت
لا
لا
مايصير
لازم أسوي شي
لازم أنقذهم
لازم
وجلس يفكر في طريقة ينقد بها الطائرة و ركابها الابرياء
فكر
وفكر
وفجأة
لمعت في راسه هالفكرة العجيبة
استأذن في الدخول على الكابتن
المهم
وافقوا له أن يدخل على الطيار
سأل أخونا المنحوس الطيار : اشفيها الطيارة
هل صحيح انها بتطيح ؟
قال الطيار : نعم فنحن رجعنا للمطار الذي اقلعنا منه و نريد النزول ولك العجلات موراضية تنزل
قال المنحوس : بسيطة ، فكوا لي باب الطيارة وأنا انزل أفتحها يدويا من تحت ( وهو في نفسه قصده أنه ينتحر بأن يرمي نفسه من الطيارة على أساس يحافظ على أرواح الناس اللي بيموتون بسببه وينقذ الطيارة من السقوط )
الطيار رفض طبعا وقال له أن هذا غير ممكن
وفيه خطوره على حياته
لكن أخونا مصـرّ على فكرته
خايف على الناس ياعمري
والطيار يحلف وهو يحلف ....
وأخير ..
وافق الطيار لما شاف الرجل لديه شجاعة و مصمم على انقاد ارواح الناس
وقام بفتح الباب له
أخونا المنحوس ، وهو يستعد بيرمي نفسه من الطيارة ،
التفت على العجلات
لقاها تبغي تنزل لكن فيه حديدة وسطها مانعتها
قال مع نفس : انا ميت ميت خل أجرب أشيلها
وتمكن من ذلك و شال الحديدة و رماها
انفتحت العجلات مباشرة
و هو مسكين فرح
وقال :خلاص ، الحين مافي داعي أني أنتحر
الحمد لله ، مشكلة الطيارة انحلت
خليني أرجع للطيارة
لما رجع للطيارة
والا الناس فرحانين
ويصفقون له
ويحيونه تحية البطل الشجاع
ويدعون له ويقبلونه
ويمدحونه على شجاعته وتضحيته بنفسه من أجلهم
وطبعا الناس في الأرض كانوا متابعين الحالة
والمطار مزدحم بالصحفيين والتلفزيون , ينتظرون الطيارة توصل
وصلت الطيارة على خير و بسلام
و العالم ينتظر رايت و تصوير البطل
نعم , نزل البطل و كانه استقبال ملكي
يصورونه ،
ويستجوبونه بالتلفزيون على الهواء مباشرة
والتصفيق
والتكريم
ويا الله خلص منهم وقدر يوصل لمنزله
وصل الحمد لله
وقال : أول شي لازم أتصل بالوالدة عشان أطمنها على سلامتي أكيد شافتني بالتلفزيون
مسك التلفون
اتصل على أمه
ردت عليه أمه ،، لكنها كانت تبكي ،،
تبكي بشدة لدرجة مهي قادرة تتكلم
قال لها : أكيد يا أمي انتي شفتي الحادث بالتلفزيون
لكن أبشرك الحمد لله أنا بخير ولا صار لي شي
والأم للحين تجهش بالبكاء
وهو يقسم لها أنه طيب وما فيه شي
وهي تزيد بالبكاء
قال لها يا أمي ما شفتيني بالتلفزيون
كلنا طيبين محد صار له شي الحمد لله
الأم مسكينة ردت بصعوبة من بين الدموع وهي تشاهق يا حياتي
قالت له : أنا ما فتحت التلفزيون ، ولا أدري عن حادث الطيارة شي ..
قال لها : أجل ليش تبكين يا بعدي
قالت : أبوك يا بعد عمري ، أبوك كان متضايق شوي و طلع السطح حق البيت يبي يشم شوية هوى
و فجأة طاحت عليه حديدة من السماء
ومات........!!!!!
على انه منحوس و يكسر الخاطر الا اني بعد هالقصه غصب اضحك ....
وكما يقول المثل الشعبي القديم : المنحوس منحوس ولو علقوا على راسو الف فانوووس ,,,,الله يكـــون في عــونه | |
|